El real Sporting lleva una racha de 6 partíos onde collechó ocho de dieciocho posibles puntos

En Mareo siguen entrugándose porque l’equipu, que ganó seyes de los primeros siete partíos, careció esta mala racha de resultaos nos caberos díes. Hai 9 díes que Djurdjevic, delantreru estrella del equipu  de Oslo xugó cola so selección, y nesti espaciu de tiempu xugó otros dos partíos, qu’a estes altures de la temporada ye una gastadura física escesiva, sobretou pa un xugador que xuega tantos menutos en tolos partíos.

A esto súmase-y el baxón de la plantiya tres el derbi, partíu nel que los de Gallego tuvieron nidiamente perriba los azulones, que-yos tascaron un empate que fuere una derrota de nun ser pola vaselina de Djucka que batió a la meta azulón na recta final del partíu.

L’Sporting, a diferencia de munchos equipos, nun fai crecer el xuegu dende’l centru del campu, sinón que’l celebru l’equipu solía ser Guille Roses, pero’l mozu llateral derechu, natural de Xixón y canteranu del equipu, cayó mancáu por más d’un mes, llevando a David Gallego a buscar distintes idegues de xuegu y nunca ye cenciello suplir a un xugador de tanta relevancia pal equipu.

Villalba yá nun ye una sorpresa. Pa los rivales del conxuntu roxiblancu yá nun ye denguna sorpresa l’esplendidu  rendimientu’l xugador Valencianu, polo que tán preparaos pa frenar a la mediapunta, que foi ensin dulda la estrella del arranque lligueru del Sporting nel entamu de temporada.

Toos estos factores xúnense pa enfeblecer a un Real Sporting, qu’entá asina caltiense cabezaleru de la lliga smartbank, acompangando al Eibar, empataos a 21 puntos na cabeza de la división de plata.

Nel Dos Santos

This work is licensed under a Creative Commons Attribution 4.0 International License.