El conxuntu gallegu va tratar de frenar güei, vienres 29 (21.00 h., Teledeporte) el bon momentu de les asturianes, con opciones d’apostar a cabezaleres de la Lliga Guerreres Iberdrola en sumando cuatro victories consecutives
Unicaxa Bancu Xixón enfréntase esti vienres a una dura prueba pa demostrar que pue tar ente los aspirantes al títulu. L’equipu asturianu, terceru na Lliga empatáu a 10 puntos con Rocasa Gran Canaria y solo a un de cabezaleru Super Amara Bera Bera, recibe a un Mecalia Atléticu Guardés que, con un partíu menos, acesma tamién la zona alta de la clasificación. Un choque de gran nivel que va ser el Partíu Estrella de la Xornada 7 de la Lliga Guerreres Iberdrola.
El conxuntu xixonés, llanzáu en sumando cuatro victories consecutives, postúlase como la revelación d’esta temporada. Con xugadores como Cecilia Cacheda yá recuperaes y nuna dinámica ascendente, l’equipu de Cristina Cabeza atopase nun óptimu estáu de forma. Eso, sumao a una efeutiva primer llínea con Aida Palicio y Lorena Zarco, que s’afixo a la perfeición a la plantiya, conforma un bloque sólidu que quier caltener el pulsu poles primeres places de la clasificación.
Cristina Cabeza: “Tenemos que controlar a Paula Arcos, ta nun estáu de forma increíble”
La entrenadora llocal, Cristina Cabeza, ye cosciente de que la situación del equipu ye bona, pero nun pueden confiase: “L’equipu ta sele, tamos enriba na tabla, pero ensin nenguna presión. Sabemos que Guardés ye un equipu que xuega asemeyao al nuesu, anque tienen una plantiya más llarga yá que compiten n’Europa, d’onde precisamente vienen de ganar”. Cabeza apunta dalguna de claves pa llograr la quinta victoria siguida: “El nuesu retu va tar en tener controlada a Paula Arcos, que dempués de los Xuegos Olímpicos ta nun estáu de forma increíble. Defenden perbién y con Carratú en portería son capaces de cerrar munchos partíos. Lo que más esmolez ye caltener la regularidá del equipu y embrivir los erros a lo llargo de los 60 minutos por que los dos puntos quedar en Xixón”.
Pela so parte, Mecalia Atléticu Guardés atopase nuna situación asemeyao. Con un partíu xugáu menos pol aplazamientu del so alcuentru énte’l Balonmán Morvedre, el conxuntu gallegu cola quintu na tabla con ocho puntos. D’esta manera, tien la oportunidá de dar un golpe sobro la mesa en L’Arena y vencer a un rival directu polos puestos cimeros na que podría ser la so tercer victoria siguida. El conxuntu que dirixe José Ignacio Prades tendrá de superar la gastadura del so periplu européu de la pasada fin de selmana pa tratar de llograr una resultancia positiva de Xixón.
José Ignacio Prades: “Xixón nun ta enriba por casualidá, tienen un equipu bien compensáu”
El téunicu visitante, José Ignacio Prades, analizó al rival y espera un choque complexu: “Xixón nun ta enriba frutu de la casualidá, sinón por méritos propios, tienen un equipu bien compensáu y saquen los partíos alantre con muncho trabayu. Va Ser un partíu duru, un retu guapu pal grupu, que s’atopa nun bon momentu d’enfotu. L’equipu ta al completu, física y mentalmente bien y con ganes d’encarar esta última etapa anantes del parón pol Mundial”.
Jorge Otero
This work is licensed under a Creative Commons Attribution 4.0 International License.
