Isabel Barreiro aspira al oru na estaya femenina

La xixonesa Isabel Barreiro y el sierense Alejandro Onís disputarán el prósimu domingu 12 d’avientu l’Europeu de campu a través en Dublín. Allí tarán los asturianos Isabel Barreiro y Alejandro Onís, aspirando a un bon puestu a títulu individual y al tiempu apurrir el so valir a la seleción pa qu’algame tamién una bona clasificación.

Barreiro tien especial enfotu n’algamar l’oru na cita irlandesa col so equipu de la seleción sub 23, del que ye capitana, daqué que nun pasa dende’l 2018 cuando un equipu nel que tamién participaba otra asturiana, Paula González, algamó l’oru na llocalidá d neerlandesa de Tilburgo.

Alejandro Onís formará parte del equipu masculín, tres del so trunfu nel Cross d’Alcobendas el pasáu 28 de payares.

La competición entamará a les 10:00 h coles categoríes sub20 y finará coles pebes asolutes (12:21 h el relevu mistu, 13:13 h la carrera masculina y 13:53 h la preba femenina). Los homes  completarán 10.000 m, les muyeres y los sub 23 8.000 m, el relevo mistu, les sub23 y los sub20 correrán 6.000 m mientres que les sub20 disputarán 4.000 m.