El canciu “Terra”, del trío Tanxugueiras, favoritu pa dir a Eurovisión, canciase’n gallegu ya inclúi l’estribillu n’asturianu, catalán, vascu y español

Les hermanes Olaia y Sabela Maneiro acompañaes d’Aida Tarrío vienen de presentar oficialmente ‘Terra’, un canciu nel que la so tradición mécese perfechamente cola música actual. Nel primer día superaron les 500.000 reproduciones. Pandereteres, tambores y l’Alalá, xúntense nesti tema con ritmos d’anguañu, el coru de fondo ya les sos voces pa tresmitir un mensaxe potente ya optimista. Nun hai fronteres, dicen, pero sí hai pueblos y hai cultures y reconócenlos tácitamente al traviés de les sos llingües, incluyíes nel canciar.

L’asturianu apaez nesti tema de refilón, una frase namás, “nun hai fronteres”, la mesma que se repite’n gallego, vasco, catalán y español. Sicasí, esa sola frase reconoz la llingua asturiana como una más dientro l’estáu y llévala, si el canciu ye escoyíu nel Benidorm Fest, certame qu’escueye’l representante d’esti añu, a Eurovisión.

This work is licensed under a Creative Commons Attribution 4.0 International License.