La rempuesta del presidente énte los emplegaos d’Alu Ibérica que perdieron el so trabayu dempués de que’l Principáu” yos mintiere evidencia la so incapacidá como gobernante. “Una de dos, o’l presidente ye  incompetente dafechu o ríese de los trabayadores”

El presidente precisó la escolta de la Guardia Civil, qu’a dures penes pudo contener a los manifestantes, p’aportar a la Biblioteca de Piedres Blanques. Tratábase trabayadores de Alu Ibérica a los que volvieron engañar.
A los dos díes de la xunta na que se-yos aselaba cola noticia de que’l “Principado” taba buscando inversores pa evitar el preslle de la empresa, l’alministrador concursal de la planta de Alu Ibérica n’Avilés informaba al Comité d’Empresa de “la necesidá d’executar un espediente de regulación d’emplegu (ERE) d’estinción de forma inminente”. La regulación va afeutar a los más de 240 trabayadores de la planta d’Avilés.
La sensación de los despidíos, más allá de la impotencia, ye de que tantu’l Principado como’l Ministeriu d’Industria tuviéron riéndose d’ellos. Poro allegaron a la Biblioteca de Piedres Blanques a “recibir” a Barbón con glayios de “mentirosu”, “perru”,  “fartón” y “Barbón dimisión”. El presidente tuvo que ser escoltáu hasta l’interior del edificiu, dempués de lo que los manifestantes siguieron cutiendo les puertes.

Esti casu repite en cierta midida’l procesu de Tenecco, dos grandes empreses que’l so zarru movilizó a la ciudadanía con grandes protestes, acallantaes al traviés de promeses y una vienta qu’en realidá sirvió namás pa desmovilizar y dir escalando’l preslle.

Alu Iberica ye anguañu propiedá del Grupu Riesgu, un conglomeráu empresarial” que nin siquier constaba como sociedá inscrita en nengún Rexistru Mercantil español cuando’l Gobiernu d’Asturies aprobó la so compra de la entós Alcoa y que en realidá ye una mera denominación comercial de PM MR 1866, una sociedá menor aniciada en Benalmádena y dirixida por David Domenech, investigáu por delitos económicos,

Énte esta nueva protesta multitudinaria acusando a Adrián Barbón de la ruina d’un sector (fai solo 6 díes desque la policía desallugó a los ganaderos de les puertes de Delegación de Gobiernu y pocu más dende que s’enfrentare a los hosteleros), el presidente tuvo pallabres condescendientes y demostró nuevamente la so incapacidá, declarándose “engañáu él tamién”, llamentando nun poder intervenir y pidiendo al gobiernu estatal “un proyectu seriu de reindustrianización” pa Asturies, en llugar de ponelu él en marcha.