El franceses traten de protexer la forma de vida de la so “campaña”, colos sos golores y soníos, como parte importante de la identidá del país

El Parlamentu de Francia vien de protexer lel golor del abonu y el cantar de los pitos, convirtiéndolos en “padremuñu sensorial” del campu.

Según el secretariu d’Estáu de “Ruralité”, la midía va sirvir para caltener la vida nel campu y la ruralidá francesa, güei en pelligru pola mor del posmodernismu, los turistes y los urbanites desplazaos que busquen un paisaxe idílicu nuna redolada esterilizao.

Esta llei nació de les quexes y denuncies qu’emitía’l turismu rural escontra los inconvenientes (ruios y golores) que se producen nel campu de forma inevitable y pretende dotar de ferramientes llegales al mundu rural para la so propia defensa.

Esti tipu de quexes son avezaes n’Asturies, onde n’ares d’una mayor comodidá para l’eventual turista yá se plantegaron midíes como acutar el pasu de les cabres en determinaes zones de Cabrales o sacar a les vaques de los pueblos, obligando a alloñar les cortes de les zones habitaes.

Vitor Corte

This work is licensed under a Creative Commons Attribution 4.0 International License.