La llucha que mientres los meses de mayu y xunu del 2020 movilizó Xixón n’esixencia del cumplimientu de los convenios y tasa de reposición de EBHI sigue agora nos xulgaos
Adrián Serrano, un de los füelguistes de fame del 2020, foi despidíu (cómo se tarrecía) a finales del mesmu añu, una vegada rematáu’l so contratu relevu, incumpliendo con ello la empresa la tasa de reposición que-yos obliga a caltener el 100% de la plantiya, reponiendo xubilaciones y baxes y convirtiendo n’indefiníos a el trabayadores eventuales, midía acordies a la llei y reconocíaa en conveniu que, de ser aplicada, forciaría a la empresa a dexar como indefiníu a Adrián y al restu los eventuales.
Güei ye’l xuiciu pol so despidu, nos xulgaos de Xixón, polo que’l sindicatu CSI entamó a les 10:30 una concentración de sofitu.
Dende la sección sindical de CSI convocaron amás para güei un paru de 24 hores, qu’entamó a les 06:00 hores y va caltenese hasta les 06:00 hores de mañana vienres, en protesta polos abondos incumplimientos de la empresa, en concretu, del alcuerdu robláu nel SASEC en febreru de 2017, de los protocolos de seguridá na descarga, pol incumplimientu repitíu nel númberu de trabayaores mínimu nes operatives de descarga, que ye consecuencia directa del despidu d’estos 7 emplegaos, más la suma de los xubilaos nel ERE, en contra de les imposiciones unillaterales per parte empresarial del ERTE y el Cambéu Sustancial de les condiciones de trabayu, contra los retayos tantu en materia económico como en salú llaboral, y contra les sanciones arbitraries a compañeros.
Llucía F. M.
This work is licensed under a Creative Commons Attribution 4.0 International License.
