El 22,4% de los contratos n’Asturies son de funcionarios, más que la suma de los tres seutores productivos: industria (13%) costrución (6%) y agricultura (3’3%). El restu, un 55%, correspuende al seutor de servicios públicos

Asturies ye ya’l segundu territoriu del estáu con mayor tasa de dependencia del emplegu públicu, depués d’Estremadura, pasando d’un 19% nel 2019 al 22,4% actual, con tendencia al alza. Pente les tres alministraciones sumen un total de  , siendo el “Principado” el mayor contratador, con 43.778 trabayaores, sigíu polos 9.524 emplegos que sumen los conceyos y los 8.790 funcionarios estatales. 11.000 d’estos puestos son de reciente creación.

La fuerte contratación na función pública desplícase poles necesidaes creaes pola reciente situación sanitaria, xunío a l’avieyamientu poblacional, siendo ello que dalgunes estayes del funcionariáu entá precisaríen de más man d’obra. Sicasí, esti espoxigue tendría dir acompangáu d’un xorrecimientu nos seutores productivos, ya que la sustentación d’esos emplegos complícase cuando falten los seutores xeneradores de riqueza. Dase asina n’Asturies una duple dependencia, per un lláu la de la población respeutu l’alministración y pel otru la d’esa mesma alministración asturiana respeuto los presupuestos de Madrid.