Nel caberu añu’l grupu Capgemini tuvo un beneficiu de 1.839 millones d’€ y pagó 529 millones a los sos acionistes al tiempu que retaya plantía y xela salarios
Capgemini ye una empresa cabezalera m’ufrir a otres empreses servicios de teunoloxía ya informática. El Grupu define’l so envís comu “lliberar la enerxía humana al traviés de la teunoloxía pa costruyir un futuru inclusivu y caltenible”. Pero los sos emplegaos nun paecen contentos colos sos sistemes de “lliberar enerxía” y denuncien que la empresa “dexa a miles de trabayaores ensin carrera profesional, colos salarios xelaos y más probes ca añu”.
Lloñe de tar xustificáu esti retayu poles perdes de la empresa, Capgemini trespasa añu a añu los sos records de beneficios. L’andanciu foi económicamente positivu pa les grandes empreses de servicios informáticos, cola necesidá de virtualizar la mayoría de les actividaes humanes -dende les relaciones sociales al trabayu diariu y los estudios- polo que Capgemini ta viviendo el so meyor momentu, espoxigue que lloñe de recayer nos sos emplegaos repártese pente los acionistes, precarizando l’entornu llaboral de la empresa.
La política de retayos de plantía, la perda de capacidá alquisitiva de los sos trabayaores y los salarios que nun medren contrasten cola imaxen que quier dar la empresa, paradóxicamente reconocía col sellu Top Employer 2022 pol Top Employer Institute por tercer añu consecutivu.
Poro, los emplegaos entamen una campaña en Change.org pa pidir a la direición de Capgemini qu’abandone les sos polítiques basaes en retayos de plantía.
Redaición InfoAsturies
This work is licensed under a Creative Commons Attribution 4.0 International License.
