Reny Picot preslla les sos istalaciones de La Polesa, en Granda, porque la llechi llíquido ya nun-y resulta rentable, pero nun despidirá a los sos emplegaos nin aplicará ERE

El preciu de la lluz y los combustibles fae que l’envasáu de llechi ya nun interese a la empresa Reny Picot, polo que la planta onde lleva más de mediu sieglu produciendo La Polesa -una de les llechis asturianes más económiques nel mercáu- va presllar les sos puertes.  La trentena d’emplegaos que trabayaben ehí sedrán reallugaos n’otres sedes de la marca, en concreto, en Anleo, Navia, conservando les sos condiciones llaborales. La empresa anuncia tamién una nueva llinia de negociu, pero entá nun dieron detalles.

Ye’l segundu gran preslle de la zona, depués de qu’Eroski anunciare la so marcha del cientru comercial Parque Principado.