N’Asturies védase la pesca de l’anguila, pero permítese la de la so cria, l’angula
Les numberoses investigaciones y estudios científicos nun dexen llugar a dudes sobro la crítica situación de l’anguila europea, estimándo una perda del 98% d’esta especie que dexa un pronósticu mui pesimista so la so supervivenci. En concreto n’Asturies la recién finada temporada de pesca de l’anguila foi la pior que se remembra no que cinca a captures.
La continua desapaición de l’anguila nos nuesos ríos esmolez a los ecoloxistes, que demanden un paru biolóxicu que vede la pesca d’angula darréu.
De fechu, nun son quien a ver el fundamentu de que se permita la pesca de l’angula, tando vedao la de l’anguila, ello ye que se permite la pesca del alevín vedándose la pesca del exemplar adultu, cuestión que nun tien más desplicación que la evidentemente económica a curtiu plazu.
Nel añu 2021 autorizáronse 36 embarcaciones y 48 pescadores a pie na fastera la ría’l Nalón, a 20 pescadores na ría de Tinamayor y autorizáronse, amás, a otros 84 profesionales na zona libre del restu d’Asturies. Con ello la Conseyería ta cubriendo les baxes de les llicencies, en llugar de reducir la presión pesquera comu dispón el Reglamentu (CE) n.º 1100/2007 del Conseyu pol que s’establecen les medíes pa la recuperación de l’anguila europea, que desixe la “reducción de l’actividá pesquera comercial”.
Redaición InfoAsturies
This work is licensed under a Creative Commons Attribution 4.0 International License.
