Una sentencia catalana sienta precedente contra la midía aporofóbica del Conceyu Xixón que prohibe aparcar na zona azul de la ciudá a los coches más vieyos

L’un d’abril entra en vigor la prohibición d’aparcar en zona ORA ensin distintivu ambiental, pegadiella que s’otorga a aquellos vehículos que tengan un nivel d’emisiones tósiques per debaxo d’una llende, tando vedao direutamente a aquellos turismos de gasolina matriculaos anantes del añu 2000 y los diésel matriculaos anantes del año 2006. Ello afeutará a cerca’l 20% de los actuales usuarios de la hora, en concreto, a aquellos que tengan rentes más baxes y nun puedan permitise camudar de coche.

Too ello faese cola falsa premisa del control de contaminación, pesi a que’l caberu estudiu del Conseyu Superior d’Investigaciones Científiques (CSIC), espublizáu esti mesmu añu, apunta direutamente a la siderurxa y al almacenamientu de carbón comu fontes de la contaminación que fae de Xixón una de les ciudaes más puerques d’Europa.

El fechu de que la polución algame los niveles más altos na fastera Oeste, onde nun s’impondrá denguna restrición de circulación nin aparcamientu, apunta tamién a que la midía tien más fines turísticos y d’imaxen que braeramente anticontaminantes.

Una midía asemeyada vien de ser retirada pol  tribunal Superior de Xusticia de Cataluña al entender que ye escesiva y desproporcionada, con consecuencies sociales ya económiques importantes, y que s’aplica ensin tener estudios previos que l’avalen, ensin ufrir alternatives que nun seyan mercar otru coche. La sentecia crea xurisprudencia nesi sen y fae albidrar que la midía declararáse illegal tamién en Xixón.