La gravedá d’esti incrementu ta nel so impautu sobro la capacidá real de gastu de los llares y los márxenes empresariales, que lleven al fundimientu de la capacidá alquisitiva de les families y a la ruina d’autónomos y PYMES

El caberu trimestre de 2021, ensin guerra d’Ucrania nin güelga de tresporte, ya se observó un fuerte xorrecimientu de los precios en tol Estáu, con un IPC nel +6,5% n’avientu. Xineru llegó cola noticia del “xorrecimientu más altu nos caberos 35 años”, un 7’6 %, y marzu supérase esguilando fasta’l 9,8% respeutu al mesmu mes del añu anterior, la inflación más alta dende mayu del 1985, acordies l’Istitutu Nacional d¡Estadística (INE).

La xubía ye xeneralizada, afeutando a la mayoría de los componentes que formen parte del cálculu del IPC, especialmente la lletricidá, los carburantes y combustibles y los alimentos.

Nuria Prendes

This work is licensed under a Creative Commons Attribution 4.0 International License.