L’encadenamientu de crisis y reconversiones que golpearon a Asturies y les enquivocaes polítiques de los socesivos gobiernos del PSOE ficieron d’Asturies un ermu llaboral, llevando décades cola menor tasa d’actividá del país
Acordies l’informe ellaboráu pola Secretaría Confederal de Polítiques Públiques y Proteción Social del sindicatu CC OO, Asturies tien la mayor tasa de paraos de llarga duración del estáu, con cuasi un 60%
Namás les ciudaes autónomes de Ceuta y Melilla tienen más paraos de llarga duración (ello ye, con más de doce meses consecutivos en desemplegu y poro ensin prestación) qu’Asturies. El 59,3% de los paraos asturianos alcuéntrense nesta situación, frente a la media estatal del 48%.
Al final del añu pasáu vivíen n’Asturies 29.500 desemplegaos con más d’un añu de permanencia nel paru. Ello representa un pelligru especialmente pa los trabayaores de más de 50 años, que pueden quedar escluyíos dafechu del mercáu llaboral.
Redaición InfoAsturies
This work is licensed under a Creative Commons Attribution 4.0 International License.
