La empresa condiciona la so inversión n’Asturies a que la plantilla renuncie a les sos desixencies en materia de drechos llaborales

La multinacional refuga cenciellamente les pidiciones de los sindicatos: incrementu salarial, caltenimientu del modelu de contratu relevu, que nun se pierdan los 970 puestos de trabayu menaciaos… cuestiones que dende Arcelor califiquen de “viejunas” y “carentes d’orixinalidá”

Colos mil millones d’euros d’inversión n’Asturies anunciaos na so man y la connivencia llargamente demostrada del executivu que carez Asturies, la multinacional sabe que tien la sarten pel mangu y desixe garanties de “paz social”, ello ye, que los trabayaores acaten les consecuencies del proyeutu y asuman la precaización o perda del so trabayu. La menacia de paros fecha por CSI y CCOO paraliza, poro, la negociación, que busca la rendición dafechu de los emplegaos y la implantación de midies empobinaes a amontar la productividá con un recorte de personal d’alrodiu’l 20%..

Fontes sindicales reconocen el so pesimismu sobre estes reuniones y censuren la falta d’avances o incluso de propuestes por parte d’una compañía que diz tener priesa pa llevar un alcuerdu al comité d’inversiones pero que nun ta dimpuesta a negociar.

Nuria Prendes