Entantu, la patronal CEOE recomienda a les empreses deslligar los salarios del IPC y suxieren incluso descuelgues de conveniu
L’incrementu salarial mediu pactáu pal 2022 ta mui perbaxo la inflación. N’abril la variación del IPC allugóse nel 8’4%, entantu que los convenios qu’actualizaron les sos tables salariales pa 2022 tienen una subida media del 2,91%.
Colos datos d’esti mes la perda media de poder alquisitivu de 5’5 puntos porcentuales, que vienen a sumase al ya carecíu nel exerciciu 2021 (de 1’5 puntos). Esto ye referío a los trabayaores acoyíos a los 20 convenios renovaos, los dos de nueva creación y los 51 que rexistraron actualización de les sos tables salariales, algamando un total de 131.109 persones, que carecerán una perfuerte perda de poder alquisitivu. Evidentemente, el dañu sedrá muncho pior p’aquellos trabayaores que nun vieron actualizaos los sos salarios, dellos n’años, neto que pa los suxetos a un ERTE, afetuaos por descuelgues de conveniu o despidios.
Llucía F. Marqués
This work is licensed under a Creative Commons Attribution 4.0 International License.
