Cola muerte del operaor de grúa, de 45 años, al que-y cayó una placa metálica enriba entantu operba nuna obra nel barriu de Roces, en Xixón, sumen ya seies acidentes llaborales mortales esti añu, más d’un por mes

Nel mes de marzu, caberu del que se tien información oficial, l’INE recoyía un total de 2.872 acidentes llaborales n’Asturies, ello ye, 32 acidentes al díe venceyaos al trabayu. L’añu pasáu foron un total de 10.004 los acidentes rexistraosl, lo qu’indica un promediu menor por díe, 27, siendo asina mesmo una cifra descomanada, especialmente teniendo en cuenta que pente ellos 20 foron mortales.

Esti añu los acidentes fatales sumen seies nel mes de mayu y los criterios economicistes continúen primando perriba de la integridá física de los trabayaores. Naide tendría de perder la vida saliendo a ganásela.

Que la tierra yos seya sele.

Redaición InfoAsturies

This work is licensed under a Creative Commons Attribution 4.0 International License.