La Plataforma Oru Non denunciare a la empresa minera pol baltu d’árboles y otres estroces nel alrodiu de los Llagos de Silva
Dos meses depués de la denuncia fecha por Oru Non poles irregularidaes y estroces realizaes pola minera EMC/BDG demientres el baltu incontroláu d’árboles nos alrodios de los Llagos de Silva, la empresa vese obligá a susanar parte del dañu.
Sicasí, la mayoría del mal fechu nun tien pagu posible, ya que los cientos de castañales, carbayos y abidules baltaos irregularmente entardarán décades en medrar, si ye que lo faen. Tampocu’l dañu fechu al padremuñu arqueolóxicu ye recuperable.
La empresa, pel so llau, trata d’antroxar el pagu forciau de la sanción comu amuesa del so “compromisu cola comunidá”, tratando de remanar la opinión pública al so favor.
ORU NON insiste na obligatoriedá d’imponer sanciones a la empresa pol baltu d’especies protexies ya’l dañu a ñicios arqueolóxicos, nun nidiu incumplimientu de los permisos concedios, asina comu na necesidá d’una supervisión rigurosa sobre cualisquier nueva actuación de la minera, ya qu’esiste pelligru de que se causen nuevos daños tantu a flora y fauna comu a los valiosos restos arqueolóxicos.
This work is licensed under a Creative Commons Attribution 4.0 International License.
