D’equí a pocu tendremos la mocedá con menos conocimientos, menos capacidá crítica y dominiu de la propia llingua de tola hestoria, pero cuntaremos con xente bien domao y capaz de domeñar, comu naide, les redes ¡incluso n’inglés!. La nueva Secundaria diseña’l ciudadanu del futuru, obediente y preparáu pa trabayar, pa teletrabayar incluso, nun futuru dixitalizáu y global.

El cursu qu’entra los rapacinos podrán pasar de cursu ensin llende de suspensos, pocu importa que tes como un tapín, mientres asumas perfechamente los valores del Status Quo. Pa ello l’asignatura de valores -los valores qu’ellos consideren oportunos- entra el prósimu cursu como asignatura obligatoria con dos hores semanales en 3º de la ESO a costa d’amenorgar Xeografía, Hestoria ya Inglés. Matemátiques pierde puxu en 2º a favor de dixitalización ya en cuartu pierden horas Asturianu y Filosofía. L’arte de deprender a camentar pìerde puntos tamién en bachiller, onde pasa a ser una asignatura optativa. Comu noticia positiva, Relixón pasará a nun cuntar en currículu y los estudiantes, agora que Valores ye obligatoria, escoyerán pente Relixón y “Atención Educativa”, asignatura que nun somos a descifrar.

El currículu recién espublizáu nun contempla un aumentu nes plantiyes de docentes.