Les places nes aules de tres años de la mayoría los colexos d’Asturies queden a mediu enllenar. Dexando a un lláu por un momentu la oportunidá educativa qu’implica la cayía de ratiu, l’indicaor ye alarmante: quedamos ensin reciella
Ya nun pasa namás nos pueblos, les grandes ciodaes vense tamién afeutaes pola falta natalidá n’Asturies. Esti añu en Xixón hai un 25% menos de rapacinos a escolarizar en primeru d’infantil que nel 2012. Cuasi dengún cientru asturianu enllena al 100% les places qu’ufierta pa tres años.
Entantu los docentes y families aboguen por aprofitar la situación pa ufrir una ensiñanza más personalizá y de calidá, meyorando la ratia de neños por aula/profesor, lo que toos temen ye que la opción del gobiernu seya más bien la d’aforrar perres y presllar unidaes. L’añu pasáu, con 2.237 escolinos menos que l’anterior, preslláronse 43 clases d’Infantil y Primaria, sumando más de doscientes aules nes dos caberes décades. Si nes ciodaes estos preslles son llaceriosos, implicando perdes de puestos de trabayu y apioramientu de la educación, nos núcleos rurales impliquen un vraeru desaniciu, un pueblu que se queda ensin colexu ta condergáu a perder la poca reciella que pudiere tener.
This work is licensed under a Creative Commons Attribution 4.0 International License.
