En namás nueve díes, los 16 participantes nesta esperiencia única percorrieron los tres macizos de los Picos d’Europa ascendiendo la cume más alta de caún d’ellos: Peña Santa, Torrecerréu de y Tabla de Llechúgales
L’Agrupación Montañera Astur lleva catorce años cellebrando esti clásicu de la montaña asturiana, que percuerre pel alto los macizos de Picos, de refuxu en refuxu, entamando en Vega d’Ario y finando nel H.ito d’Escarandi. Pel camín pasaron por más de veinte cumes, incluyendo les más altes de caún de los tres macizos: Peña Santa, Torrecerréu de y Tabla de Llechúgales.
Los participantes describen la esperiencia comu inescaecible, destacando el llabor de los socios qu’actuaron comu guies. Noemí, una de les traveseres más moces, recalca que esta selmana foi “un suañu cumplíu”, comentariu nel que coincide cola mayoría de los participantes. El que vino a Picos dende más lloñe foi Bernardo de Robles, que s’apuntó a esta aventura dende Murcia y qu’agora nun s’arrepiente de la decisión tomada: esa ye la forma correcha de conocer Asturies.
This work is licensed under a Creative Commons Attribution 4.0 International License.
