Nos caberos cuatro años entraron na empresa 251,7 millones d’euros pente ampliación de capital y ayudes públiques, pero ello nun valió pa revertir la situación de sueldos de miseria xelaos indefinidamente, nin pa sacar a la empresa del riesgu de quiebra, sinón p’arriquecer a decenes de direutivos que vienen y van, con contratos de sueldos descomanaos que contrasten cola “política de gastu ceru” que la empresa tresllada a los sos trabayaores. Una piramide invertía que, dicen los trabayaores, nun ye viable col tiempu, lo que yos fae temer que nun haiga una intención real de reflotar la empresa sinón mui a la contra, que se te aprofitando pa sacar les más perres posibles al tiempu que se dexa morrer y s’arruina la compañía.