De los díis 5 al 14 d’agostu ta teniendo llugar comu tolos años na capital bretona dAn Oriant (Lorient) el que ya ye conocíu comu ún de los eventos culturales musicales y folclóricos de referencia del mundiu celta nel que danse la man les naciones celtes con Asturies comu cimera nesta edición además de Gales, Cornualles, Bretaña, Islla de Man, Galicia, Irlanda y Escocia
El cartelu d’esti añu fai por representar lo más carauterístico de la nuesa cultura: un grupu de dancia tradicional y gaiteros con unes vistes llonxanes del verdor asturianu a los pies del picu Urriellu con un diseñu caláu d’entellazáu. Amás davezu faise un resume o esposición xeneral sobro les carauterístiques principales de la nacíon d’honor de ca edición y nesti casu faise mención a lo verde del Cantábricu, los nuesos montesnde más de 2500 metros d’altor y la idega xeneral del parayisu natural con 7 zones declaraes reserva de la biosfera pola UNESCO, incluyendol primer parque nacional, los picos dEuroa.
Nel sen de la ñatura faen referencia al caber allugamientu na Europa ocidental d’especies comu l’osu pardu y descríbese la nuesa tierra comu “un tarrén plurarl y exuberante que supo armonizar la relación ente mediu ambiente y actividá humano, un exerciciu de caltenibilidá enraigonau en tradiciones centenaries materializao nos sos vezos, nos sos tradiciones y nos sos paisaxes”.
Culturalmente la muerganización del festival define Asturies comu un percorríu cultural pente los momentos cimeros de la humanidá, dende les primeres manifestaciones d’arte paleolíticu y cueves (de lo que son abondu conoceores en Francia), el surdimientu industrial fasta los conxuntos arquiteutónicos del arte Prerrománicu Asturianu comu heriede del Reinu d’Asturies y l’aniciu’l Camín de Santiago. Amás faise referencia a la nuesa llingua llariega y al billinguismu la nuesa xente.
Gastronómicamente nun podíen faltar referencies a la bayura d’ufierta na xinta tradicional y a les nueves tendencies en cuantu fusión y modernidá. Comu nun podía ser d’otramiente faise referencia a los quesos y a la sidre, si bien mui desafortunadamente baxo’l dudosu términu de “sidra española”?? y tamién a la propuesta de la cultura que la arrodia comu padremuñu inmaterial de la UNESCO.
Aymara González Montoto
This work is licensed under a Creative Commons Attribution 4.0 International License.
