El caltenimientu de les curves nel trazáu nun van permitir a los trenes garrar la velocidá necesaria pa que llegue a considerase un tren d’alta velocidá
L’AVE de Campumanes a Xixón ye una infracadarma conflictiva pol munchu dañu mediuambiental que supón, por embargu ye una de les múltiples promeses del gobiernu español y del “Principado” que llegaron a considerala prioritaria ya indispensable. Abandoná la intención de finala anantes del 2030 y perdiendo asina el sofitu del 20% del so coste a cargu de la Xunión Europea, los cálculos indiquen que al final l’AVE va quedar en paxarín
Dos hores y cincuenta y seies menutos pa circular los 383 km de vía qu’hai pente Madrid y Xixón nun dan una media que puea considerase Alta Velocidá. L’AVE nun pasará en dellos tramos de los 160 km por hora, un avance minimu frente a los 155 qu’algamaba anantes de la inversión, mui lloñe de los 310 kilómetros hora que marca el tren en dellos tramos pente Madrid y Valladolid y lloñe tamién de la media de 222 km hora. Camudose la traviesa, el rail, el tren, pero les curves siguen ehí. Quitáronse pasos a nivel, pero les pontes nun admiten trenes a esa velocidá en condiciones de seguridá. Eso sí, cuntará cola prescriptiva “valla de seguridá” qu’arrodia un tren d’alta velocidá, cortando’l pasu d’un llau a otru.
Una chapuza más a sumar na hestoria de les comunicaciones con Asturies; remembremos que más de cuatro mil millones d’euros y cuarenta años pa facer la variante’l Payares nun permitieron siquiera incluyir l’anchu internacional nes nueses vies.
This work is licensed under a Creative Commons Attribution 4.0 International License.
