“Iros a fregar”, únicu argumentu de los pro-taurinos contra les muyeres que los acusaron d’asesinos a la puerte la plaza

Esti fin de semana el movimientu antitaurín asturianu -con una tradición de más d’un sieglu- vivió una triesti derrota en Benia. Nin les 50.000 firmes a la escontra, nin les irregularidaes nos permisos, nin les concentraciones coles que se quiso frenar la xabaz vulgaridá españolista n’Onis foron abondo y a la fin cellebraron la so corrida lo más rancio del conceyu.

Les semeyes amuesen una plaza colos asientos vacios, foron más los que protestaron que los qu’acudieron a esfrutar de la tortura. Pero los pocos que fueron, quedaron retrataos, por si nun taba nidio a que clase de xente gusten estos espeutáculos morbososo. Les banderes d’España nun faltaron, acompangando les voces de los que mandaben a fregar a les muyeres que participaben na concentración que quiso paralizar la cellebración.  Ye lo qu’hai. Españolismu, machismu, violencia y vulgaridá resumen el movimientu taurín.

Xicu Llamazares

This work is licensed under a Creative Commons Attribution 4.0 International License.