Nesti tiempu, tan cercanu al mes, les concentraciones foron diaries, siendo quizá la de más sonadía la protagonizada’l Día d’Asturies en Cuadonga, onde alcontraron cola total indiferencia del Sr. Barbón.

Continúen, sicasí, convencies de la so llucha, y resistiendo les presiones d’una patronal que miente, anunciando prealcuerdos insesistentes: l’ asamblea de trabayaores refugó la propuesta fecha pola patronal a los sindicatos, ufriendo una xubía salarial de magar el 2025 y condicioná a los nuevos contratos de serviciu pente les empreses y l’alministración pública.

N’Uviéu nun s’aprebó la propuesta de remunicipalización y l’aconceyamientu colos grupos municipales del Conceyu Xixón, el pasáu vienres, dexó tamién mal tastu. Acordies declaraciones de les participantes, los políticos xixoneses namás que  “amosaron el so dispreciu non solo haza les trabayaores, sinón a los y les usuaries del serviciu, con clara falta de compromisu pola remunicipalización d’un serviciu que tendría ser públicu y de calidá” , polo qu’al salir del aconceyamientu encadenáronse a les escaleres de la Casa Conceyu, revindicando otra vuelta un conveniu dignu y de calidá y la remunicipalización dafechu del serviciu.

“Depués de cuasi un mes de fuelga, de marches, de concentraciones, nun perdemos l’ánimu y la fe de que tamos nel camín correchu” declaren.

Sicasí, precisen del sofitu de la población, acompangándoles nes sos marches y concentraciones o collaborando na so caxa de resistencia, que yos permite seguir cola fuelga. Pente güei ya’l día 16 la cita ye de 12 a 22 hores n’acampada que caltienen na cai Luis Fernández 8, d’Uviéu.

 

 

 

 

 

Llucía F. Marqués