Coses que nun pasaríen cola oficialidá. Coses que nun pasaríen siquiera con un gobiernu qu’asegurare’l cumplimientu de les lleis en materia llingüística. Coses que nun tendríen de pasar
Xicu Ilesies lleva bones décades de la so vida siendo Xicu Ilesies, de magar los 16 años, pero al Xulgáu de Paz de Sobrescobiu antoxóse-y que siguiere identificándose llegalmente comu Francisco José Iglesias y el de Llaviana -un plizcu más comprensivos- insiste en que se nome Xicu Iglesias. Porque si, porque lo dicen ellos, qu’esos caprichos de ser quien yes y que se te reconoza pol to nome tienen qu’acabase.
La llexisllación permite adautar nome y apellios a la so forma asturiana presentando únicamente la documentación del interesáu y un certificáu de l’Academia de la Llingua qu’acredite la correición de la torna.
Sicasí, a Xicu Ilesies pidióse-y acreditar l’usu avezáu del so nome, condición non necesaria llegalmente. Nun hai problema, la invitación de boda de va 40 años, la orla, el buzón, testigos… hai prebes asgaya de que Xicu ye Xicu. Amás, l’afeutáu denuncia que’n Xulgáu de Paz de Sobrescobiu se-y sometió a una presión descomaná pa qu’abandonare les sos intenciones “menaciándome con tolos males del mundiu y too polos perxuicios ideolóxicos del secretariu contrariu a la llingua asturiana”.
Nel Xulgáu de Llaviana continúa la odisea, onde’l fiscal fina por permitir que se-y camude’l nome, pero non l’apellíu, indicanco que «nun pue realizase nin la torna d’un apellíu nin l’adautación gráfica a otra llingua d’apellios que seyan del acervu nacional». Con acervu nacional refiérense, ta nidio, al español, nun hai torga pa camudar Buelga por Huelga, seique nin siquier seya una torna correcha, por poner un casu.
Xicu Ilesies presentó recursu ante esa decisión, desixendo’l cumplimientu de la llei, y agora, cuatro años depués lluchando pol so nome, la Direición Xeneral de Seguridá Xurídica nun autoriza’l camudu, nin de nome nin d’apellíu.
La so llucha, reconoz, nun ye namás pol so nome, sinón por caltener un drechu qu’esiste, pa que nun dependa del bon o mal facer del funcionariu de turnu y pa que seyan munchos los asturianos que decidan tornar oficialmente al asturianu el so nome.
Redaición InfoAsturies
This work is licensed under a Creative Commons Attribution 4.0 International License.
Aunque entiendo el astur-leonés, e intento todos los meses leer algo, sería para mi tarea ímproba escribirlo sin hacer el ridículo, así que utilizaré el castellano. Disculpadme.
Yo vasquicé hace muchos años mi nombre (me parece que antes, incluso, de proclamarse el estatuto vasco de autonomía) y hace no tantos el apellido de mi madre. Mi madre era Ochoa de Aspuru y yo soy Otsoa Aspuruko. Un cambio bastante evidente. En ambos caso me bastó presentar documentación que la Academia de la Lengua Vasca amablemente me proporcionó.
Aquí es un trámite que mucha gente hace y no tengo entendido que sea problemático. En el caso de los nombres de pila se hacía antes, incluso, de que el vascuence fuera lengua oficial. Pero después de morir el dictador, claro está.
Lo más hiriente es que, teóricamente, si yo hubiera sido residente en Asturias habría podido realizar el cambio en cualquier juzgado de allí. Mi hermana, de hecho, inició los trámites en Andalucía, donde vive, y no le pusieron ninguna pega. Me parece un clarísimo caso de discriminación que no se justifica de ninguna manera.
Un saludo y espero que el señor Xicu Ilesies y todos los asturianos y leoneses que estén en la misma situación puedan sin mayores problemas superar estas injustas situaciones.