Los pasaos 12 y 13 d’avientu tuvo llugar en Castropol el I Congresu Nacional de Turismu Activu Inclusivu, un eventu qu’aconceyó a grandes espertos y referentos n’arruelu y esporte adautao

Nos dos díes que duró’l congresu tuvieron llugar sesiones formatives, charres y meses reondes empobinaes a fomentar la implementación de l’Acesibilidá Universal a nivel públicu y priváu.

Mientres la mañana del llunes personal técnicu de distintos conceyos recibieron formación sobro cómo facer que l’Alministración Pública seya más accesible a tola ciudadanía, ya que fasta agora les torgues poles que pasen les persones con dificultaes físiques o mentales a la de xestionar cualisquier serviciu públicu son grandes. Pela tarde
foi la vez de les empreses turístiques. Los asistentes afayaron ferramientes que-yos permitan ameyorar l’accesibilidá de los
sos negocios de forma cenciella y económica.

El día grande foi’l martes cola celebración del Congresu de Turismu Activu Inclusivu nel que, al traviés de 12 ponencies, poner en valor una gran bayura d’actividaes turístiques, d’arruelu y esportes acesibles, que yá se tán desendolcando nel occidente asturianu, asina comu la posibilidá d’ampliar la ufierta con otres opciones que se lleven a cabu n’otros llugares. Grandes personalidaes del mundu del esporte acesible, comu Angel López, Juan Pablo Pioto o Carmen López, amosaroron que les persones con discapacidá son quien a prauticar cualquier esporte si la redolada ye accesible. Entidaes del sector de la discapacidá como Aptaa Asturies, Cogami o Fedema dieron a conocer un perampliu abanicu d’opciones d’arruelu activu inclusivu que pueden desenvolvese (vela, senderismo, tiru con arcu o piragües ente otros).

Tamién hubo tiempu pa probar equipos que faciliten les esperiencies turístiques a toles persones y que convierten n’acesibles redolaes que nun lo son tantu.

Alberto Rodríguez

This work is licensed under a Creative Commons Attribution 4.0 International License.