La notificación dexa a medies abondos cursos entamaos, incluyendo dellos venceyaos a proyeutos financiaos polos Fondos Europeos
La formación continua ye perimportante nun ámbetu, comu l’educativu, nel que namás l’adautación a les nueves circustancies, teunoloxíes y avances pedagóxicos permite dar una atención de calidá, polo que los mayestros pasen bona parte de la so vida llaboral meyorando la so formación.
El pasáu 20 de xineru, la Conseyería d’Educación comunicó via e-mail a tols cientros educativos la suspensión de toles formaciones esternes, ello ye, aquelles que requieran un ponente que nun seya d’esi cientru. Incluso los cursos ya entamaos y los que tan venceyaos al desendolcu d’un proyeutu concretu foron anulaos darréu.
La suspensión de cursos venceyaos a proyeutos obliga a los docentes a decirir ente continuar col proyeutu ensin la formación necesaria pa llevalu a cabu o suspendelu dafechu, perdiendo con ello en dellos casos les correspondientes sovenciones de los fondos europeos.
Esto añade incertidume nun cursu ya estráu de despropósitos y desconciertu derivaos de la priesa cola que se punxo en marcha la nueva llei educativa, la LOMLOE, que llevó a que’l cursu entamare ensin tener nidios los contenios y que la primer evaluación saliere alantre ensin conocese los correspondientes criterios d’evaluación. La esculpia ye la necesidá de revisar los requisitos pa impartir eses formaciones, ensin que se sea conocimientu de porqué esto se fae metanes el cursu, coles formaciones entamaes, los formadores ya contrataos y los fondos comprometios.
This work is licensed under a Creative Commons Attribution 4.0 International License.
