Nun hai responsables pa un erru de midíes que va costar muncho tiempu y munches perres. Afortunadamente la empresa contratá pa fabricar los 31 trenes, CAF (Construcciones y Auxiliar de Ferrocarriles), decatóse del erru nel tamañu los vagones y paralizó el procesu

Renfe espublizó en xineru de 2019 les condiciones pa la fabricación de 31 trenes, apurriendo pa ellos los galibos comunicaos por Adif. Fasta xunu del 2020 nun s’alxudicó’l contratu, por valor de 258 millones d’euros, a CAF. A finales del 2022, preparando’l proyeutu, la empresa decatose d’un fallu: los trenes encargaos nun cabríen peles vies.

Pa iguar el problema optose por utilizar lo que llamen “el métodu comparativu”, ello ye, tomar comu modelu un tren esistente y copiar les sos midíes, daqué que precisará una previa renovación contractual, pero que garantizará polo menos que los trenes quepan nes vies.

Lloñe de buscar responsables y asumir unes consecuencies que van facer a los asturianos perder otros 3 o 4 años esperando por unos trenes que ya yeren urxentes nel 2019, el Secretariu Xeneral d’Infracadarmes del Gobiernu español, Xavier Flores, llávase les manes allegando que los túneles asturianos  son endemasiao piqueños.