Ante la falta de resolución del conflictu, la Plataforma de Trabayaores del Serviciu d’Atención a Domiciliu convoca un aconceyamientu semanal delantre delles Cases de Conceyu
El conflictu continúa y agrávase cola contratación por parte’l Conceyu d’Uviéu de los “xilecos verdis”, trabayaores que, dientro del so programa d’emplegu, cumplen les funciones del S.A.D, ensin la correspondiente titulación, xenerando un intrusismu llaboral que perxudica les reclamaciones de les emplegaes d’atención a domiciliu.
Amás, incúmplese la promesa de nun prorrogar los contratos esistentes coles mesmes empreses, torgando con ello la subida salarial.
Dende la Plataforma insisten en que la solución pasa necesariamente pola remunicipalización del Serviciu d’Atención a Domiciliu.
Por tou ello, convoquen a aconceyase tolos miércoles de cincu a siete la tardi delantre les Cases de Conceyu de Xixón, Uviéu, Avilés, Mieres, Carreño, Les Regueres y Llangréu.
Alberto Rodríguez
This work is licensed under a Creative Commons Attribution 4.0 International License.
