Bonos díes, bona xente.

Alborecemos col cielu poco nuboso ya con unes temperatures que tan alrodiu de los 2ºC, rexistrándose nel puirtu Payares -1,9ºC.

Güei vamos tener un aumentu de la nubosidá na metá norte d’Asturies a partir del mediudía pa dexanos el cielu nuble pela tarde con unes temperatures másimes en llixeru descensu que sedrá moderáu en zones de montaña, onde pue tar xelando durante tol día en cotes altes. L’aire nordés pue soplar dalgo molestu nel llitoral.

Mañana vienres alboreceremos con xelaes más intenses ya estenses que güei pero esta vegada sedrán por iversión térmica, polo que nos puertos de montaña les temperatures mínimes ascenderán , mentantu no fonderu los valles van baxar. El cielu va tar poco nuboso o escampláu y seguirá dalgo molestu’l nordés pela costa.

El sábadu l’iversión térmica sedrá mayor por mor de la entrada de vientu sur n’altor, siendo les temperatures más baxes no fonderu los valles, onde inclusu descenderán con respeutu al vienres, nel cielu seguiremos con poques nubes y muncho sol que calecerá l’ambiente al mediudía y el domingu sedrá un día mui asemeyáu con un ascensu llixeru, tantu de les temperatures mínimes como de les másimes ya seguirmos con vientu sur n’altor, siendo sele ya variable nel llanu.

Semeya La Raya, el pueblu más altu d’Asturies, nel Puirtu Braña.