El Reinu d’España por embargu mantien esi status sancionador

La Comisión Europea decidió retirar a Portugal del procedimientu de déficit escesivu, pues certifica l’avance de los sos indicadores económicos y l’ésitu de la política aniciada pol Gobiernu del Partíu Socialista, col sofitu del Bloque d’Esquierda y del Partíu Comunista. Desaparez la posibilidá de nueves sanciones, mientres el Gobiernu d’António Costa adquier un mayor marxe para financiar les reformes estructurales que precisa el so país.

La República de Portugal necesitó en 2011 un rescate completu de la Unión Europea por valor de 78.000 millones d’euros. El Reinu d’España nun llegó a esa situación, pero tuvo que pidir un sofitu de 42.000 millones pa la banca. L’añu pasáu la Comisión Europea por mui poco tuvo a piques de multar a dambos Estaos y conxelales los fondos europeos por desviase de los sos oxetivos presupuestarios en 2015.

Pero mientres que’l Reinu español sigue teniendo un desfase presupuestariu escesivu, el más altu de la Unión Europea, la República portuguesa foi quien a desendolcar los axustes afayadizos pa controlar el déficit de forma caltenible.

This work is licensed under a Creative Commons Attribution 4.0 International License.