Alborecemos col cielu empuercáu de nubes altes na metá ocidental, tando más escampláu nel restu con unes temperatures que son mui variopintes por mor de les iversiones térmiques y el vientu ábrigu con foehn en delles cabeceres de los valles, nel puirtu Payares rexistren 0,9ºC con vientu molestu.

Güei vamos tener el cielu empuercáu de nubosidá alta ya inclusu con polvo en suspensión saharianu, empobináu pol vientu ábrigu que va soplar con raches moderaes en zones altes de montaña, siendo sele en xeneral nel restu con unes temperatures n’ascensu.

Mañana martes vamos tener un día mui asemeyáu col cielu dalgo empuercáu de nubes altes empobinaes xunto con polvo en suspensión por mor del vientu ábrigu que va seguir soplando cafiante nes zones altes de montaña, faciendo que suban les temperatures mínimes en toa Asturies y calteniéndose les másimes mui agradables.

Paez qu’a partir del xueves va tar el cielu más llimpiu y descenderán dalgo les temperatures mínies con tiempu estable’l restu la selmana pero esto yá lu diremos viendo.

Que paséis un bon llunes collacies ya collacios.