L’adaptación del alcuerdu d’interinidá que roblaron los sindicatos CC.OO, UGT y ANPE supón pal sindicatu d’ensiñantes asturianos una agresión nueva al colectivu de personal interín, que ya se negare a roblar l’anterior alcuerdu nel 2014
Esta modificación, anuncien, supón una vuelta de tuerca qu’implica que munchos docentes puedan vese na cai y nun pescancien comu los sindicatos firmantes pueden aceutar alcuerdos cola Alministración que precaricen cada vez más la situación del profesoráu.
Nesti alcuerdu nun se contempla modificación alguna pa iguar la repercusión de la barbaridá de baremu establecíu nel Real Decretu 270/2022 que penaliza’l fechu de tener trabayao en distintos cuerpos y especialidaes (RD que recurrió’l SUATEA al Tribunal Supremu). Ello implica que nes llistes nueves d’interinidá los años trabayaos n’otra especialidá va contar la metá y los años trabayaos n’otru cuerpu, van contar exactamente igual que los trabayaos nuna empresa privada subvencionada, daqué que consideren n ataque claru a les y los trabayadores de la pública, que son quien sufrió l’abusu de contratación de l’Alministración.
La obligatoriedá de presentase a les oposiciones impide al profesoráu entrar nuna llista nueva, siempre qu’esa especialidá se convoque a la vez que la suya. Na práctica, esto quier dicir que ye casi imposible qu’un maestru/a pueda entrar
en varias llistes del so cuerpu, o un/a de secundaria nes llistes del suyu. Con esti alcuerdu, el profesoráu técnico de FP interín con titulación non universitario va quedar al paru pa siempre a partir del 31 d’agostu.
Lo que sí sigue blindándose son los cursos de formación qu’algunos d’estos sindicatos venden, faciendo de la formación un negociu.
La gravedá de lo firmao ye tan grande, que dende SUATEA auguren que van vese ceo nun nos a dalguna de les organizaciones sindicales firmantes “intentando excusase o tratando d’igualo”, pero con ello, alvierten, namás se pondríen parches a unos alcuerdos que nun hai per onde los coyer.
Redaición InfoAsturies
This work is licensed under a Creative Commons Attribution 4.0 International License.
