La revista LA SIDRA del mes de febreru alvierte del pelligru d’acabar convirtiendo Asturies nun parque temáticu sidreru pa turistes
L’Entamu del postrer númberu de la revista LA SIDRA -226-, tres analizar el papel de la sidre en Madrid Fusión y Fitur, y l’anuncia e la cellebración en Madrid Gourmet del que sedrá’l I Campionatu Mundial d’Echaores, iniciativa que valora “dará a conocer y promocionará la nuesa sidre, y l’arte d’echala” alvierte de que la rialidá n’Asturies ye mui otra”onde la figura y categoría del echaor nun ta nin reconocía nin pagá” lo que califica como contradictorio y espierta toles allarmes.
Concretamente afirma que ‘Corremos el pelligru de convertimos nuna caricatura de nós mesmos, vendiendo un ‘paquete temáticu sidreru’ pa una Asturies onde nun se respeta a estos profesionales, y onde –en consecuencia- díi ente díi son más difíciles d’alcontrar”.
La revista LA SIDRA vien defendiendo dende cuantayá la necesidá d’un Plan Estratéxicu pa la Sidre y la Mazana, onde s’incluya tamién a los chigres, asina como la regulación profesional pa los echaores de sidre, ente otres custiones. De fechu, esti mes de xineru espublizaron ‘Propósitos d’añu nuevu pal seutor de la sidre y la mazana’ onde recueyen en bona midía munches de les necesidaes y aspiraciones del seutor.
This work is licensed under a Creative Commons Attribution 4.0 International License.
