Nel Día de la Llingua Materna na páxina oficial de Turismu d’Asturies espublicen que “las torrijas” son un postre típicu asturianu d’Antroxu y les redes fierven de noxu

El testu en si del tuiter ya amuesa l’avezáu dispreciu pol asturianu de les istituciones del “Principado”: 

“??????Ó?! de estos tres postres típicos del Carnaval/Antroxu asturiano ¿Con cuál te quedas? ¿?????????, ??????????? ? ?????????”.

Queremos esclariar, pa entamar, que les casadielles son típiques de les fiestes Navidiegues, non de los antroxos, un detalle más qu’espeya’l desconocimientu cultural de quien redautó esi testu (¿De qué pueblu mesetariu saquen a esta xente?).

Sicasí, lo qu’ofendió a cientos de tuiteros foi l’usu de la pallabra “torrija” acompangando la semeya d’unes picatostes más bien reseques. Les reaiciones van de les cenciellamente informatives “Son picatostes” “El postre tipicu de antroxu son los fayuelos. Les casadielles son en navidá. Las “torrijas” nun sé qué son”

A les puramente cabreaes:

“En respuesta a @TurismoAsturias Qué dimita el responsable! Ya vos val. A esti pasu pondrá alubiada, bollitos embarazados o queso de ahoga el pollo. Lo d’ Asturies nun tien nome” ye la reación d’un ayeranu.

Un de los Oscos relaciona esti visceral odiu a lo asturiano colos socesivos dictadores “#Napoleón, #PrimoDeRivera #Franco, #Hitler, #Musolini Nun pudieron acabar ni col #Asturianu ni con la cultura d’ #Asturies . Asina que a día de güei tampoco va algamalo naide. Aqui tamos los #asturianos pá defender lo de nueso”.

“Vosotros per un llau y la sociedá per otru. Nun vais poder acabar cola cultura asturiana por mas que vos empeñeis,,, Nun son torrijas son PICATOSTES !!” insiste otru usuariu. 

Los tuits van subiendo de tonu acordies pasa’l díe “¿QUIÉN dixo “torrijas” n’Asturies en su puta vida? PICATOSTES”  “Sunormales de los coyones, qué mierda son eso de torrijas? Poner creps también, nun vaya a ser que alguien s’ofenda, vaya forma de promocionar Asturies, nun valeis pa na” “Cuando se ficieron torrijas n’Asturies anormales que sois”

Nun falten los qu’añaden un pizcu de coña al tema… coña cabreada, eso si:

“Pues me gustan todos, las crèpes, las torrijas y las empanadillas dulces de nuez. Me cago en mi estampa, serán picatostes ho.”

“Pos… a mí les que me presten son les picatostes. Torrijas nun sé lo que ye, nunca nun sentí falar d’elles a naide del mio ḷḷar, sedrá daqué de cocina asiática o asina”

“Que son torrijas? Algo de Albacete?”

“A ver rapazos, pa mañana vais escribime 100 veces la pallabra P I C A T O S T E S”

Y asina fasta cerca doscientes rempuestes en menos de 24 hores. La reaición paezse a la que prevocó en so díe l’usu del nome “Naranjo de Bulnes” pa referise al Urriellu por parte d’una marca d’agua, ta por ver si, neto que fexo esa marca, la Oficina de Turismu recula y s’esculpia, iguando l’erru. Por agora nun dieron rempuesta. 

Alberto Rodríguez

This work is licensed under a Creative Commons Attribution 4.0 International License.