Barbón lleva siquier quince díes repitiendo como un papagayu que ye llibre y autónomu del gobiernu de Madrid. Dime de qué presumes y direte de qu’escareces

Visto nel Blog Hirviente Resoplido

Ser llibre significa tener la capacidá de tomar decisiones y actuar acordies la propia voluntá, ensin ser coaccionaos o llindaos por factores esternos comu la opresión, la discriminación o la falta recursos. La llibertá ye un valor fundamental en cualquier sociedá democrática y considérase un drechu humanu universal. Ser llibre implica poder escoyer el nuesu propiu camín na vida, tener la capacidá d’espresanos llibremente, de buscar la verdá y de siguir nuesos mesmos convencimientos y creyencies. Tamién implica tener la responsabilidá de les nueses acciones y de respetar los drechos y llibertaes de los demás.

Ye importante destacar que ser llibre nun significa actuar ensin llendes o ensin considerar les consecuencies de les nueses acciones. La llibertá trai responsabilidaes y, poro, implica un compromisu colos valores y principios que nos dexen vivir n’harmonía y respetu colos demás.

L’autonomía política cinca al grau de llibertá ya independencia qu’una entidá política tien pa gobernase a sigo mesma ensin interferencies esternes. Esto puede incluyir la capacidá de tomar decisiones sobro asuntos internos, establecer lleis y regulaciones, y alministrar los sos propios recursos ensin depender en gran midida del gobiernu central o d’otres entidaes polítiques foriates. L’autonomía política pue ser otorgada a nivel rexonal, estatal o inclusive nacional, dependiendo del sistema políticu y les estructures de gobiernu arreyaes. 

El conceutu d’autonomía ta emparentáu col de soberanía, pero nun se confunde con él. L’autonomía pue dase por graos y a distintos niveles: nel conceyu, na rexón, nel estáu-miembru o entidá federativa, nel Estáu consideráu polo xeneral. La soberanía, sicasí, ye la potestá suprema, dientro del Estáu, de decidir n’última instancia de tolo que correspuende al bien públicu, col monopoliu de la coaccón física. Implica, poro, una superioridá con respeutu a otros poderes internos subordinaos.

Nin Adrián Barbón ye llibre nin autónomu nin siquieramente independiente nes sos decisiones y sí tien razón al dicir que Diego Canga, el Mesíes de Bruxeles, foi designáu pol deazu de Feijóo, al igual qu’elli foi escoyíu pola man de Pedro Sánchez pa ser el secretariu xeneral de la FSA-PSOE. Eso sí previa votación de los sos afiliaos teledirixios dende Ferraz. ¿Qué pasara si gobernare la socialista andaluza Susana Díaz, que yera l’apueste del espresidente d’Asturies, Javier Fernández “El Mudu”? Pues que l’actual secretariu xeneral del PSOE y presidente d’Asturies podría ser cualesquier mudu como Javier Fernández, pero non ye non, el beneplácitu de Pedro Sánchez foi pa un llinguateru comu Adrián Barbón.

Mentantu El Mesíes anda estos díes como un Hernán Cortes por ultramar faciendo l’indíxena,vimos y sentimos que nin siquieramente ye llibre nin autónomu l’infante Alvaro Queipo, que quedó al mandu de la brigadilla del PP asturianu. Queipo, que remata mal a gol y perdió el partíu, lo único que se-y escurrió dicir, mientres l’allumáu fai l’indiu, ye que les competencies ferroviaries de FEVE en manes d’Asturies ye un “dislate”. Yá pue cuntanos l’infante destronáu cómo resolver el disparate, tanto per parte’l PSOE como del PP, que tamién gobernaron España antes de Pedro Sánchez. ¿Quiciabes comiendo col rei Felón d’Alvarez Cascos en Castropol? La única forma de xestionar la FEVE racionalmente ye qu’Asturies asuma les sos competencies. Pero claro tanto la FSA-PSOE como’l PP ástur, nun quieren ponese a trabayar como un autónomu y enllordiase les manes como un camioneru, un carniceru, un tenderu, un panaeru, un pescaor, un ganaeru, un campesín (…) Ser autónomu significa ser una persona que trabaya por cuenta propia y que, poro, ye responsable del so propiu negociu y del so sustentu. Un autónomu ye un entamaor que tien una empresa o negociu propiu y que nun ta contratáu por nenguna otra empresa o persona.

Ser autónomu implica munches responsabilidaes, como la xestión del negociu, la contabilidá, la facturación, el pagu d’impuestos y les obligaciones llegales. Tamién ye necesario tar dispuestu a asumir los riesgos económicos y financieros que trai’l negociu. Sicasí, ser autónomu tamién tien les sos ventayes, como la llibertá pa tomar decisiones y xestionar el negociu según los sos propios criterios, asina comu la posibilidá de llograr mayores beneficios económicos si’l negociu tien ésitu.

Antes de decidir si ser autónomu ye afecho pa ti, ye importante investigar y evaluar curioso los aspeutos financieros, llegales y alministrativos de ser un entamaor independiente. Asina por casu, el protocolu alministrativu robláu por Barbón y Revilla nel Ministeriu de Tresportes de Madrid nun obliga a denguna de la partes nin siquiamente a les sos firmantes. Tien más valor xurídicu una servilleta roblada por dos borrachos a les seis del riscar, comprometiendose a vender un xatu, que’l protocolu robláu pa la FEVE, que ye papel moyáu.

Asina que pa 2026 escaézanse de la gratuidá de los trenes de FEVE y los flamantes nuevos vehículos que quepan nos túneles, por dos razones bien cencielles: primer, un protocolu alministrativu nun obliga a nenguna de les partes y segundu, quién nos diz que d’equí a dos o cuatro años tea gobernando Pedro Sánchez o Rita La Cantaora. Y anque gobierne Feijóo p’Asturies ye indiferente porque’l PP yá gobernó y con Asturies namá fixeron aprobios. Asina que si Asturies nun coye’l sartén pel mangu, nun somos quien a gobernanos por nós mesmos, nun va tener nunca un nuevu Estatutu d’Autonomía, nin toles competencies tresferíes, nin trenes de FEVE, nin na de na, comu fasta agora. Y si munchos molinos eólicos marítimos que van acabar cola plataforma continental y el pexe del Mar Cantábricu o Astúricu. El mar menor mariña del Océanu Atlánticu que baña parte’l norte d’España, toa Gascuña nel suroeste atlánticu de Francia o l’oriente y sur del golfu de Vizcaya pa los españoles.

Llibertá ensin mieu y autovía pal Suroccidente del país.

This work is licensed under a Creative Commons Attribution 4.0 International License.