Bonos díes, bona xente.

Alborecemos col cielu poco nuboso o escampláu ya con unes temperatures que tan alrodiu de los 2ºC, rexistrándose nel puirtu Payares -6,3ºC.

Güei vamos tener un día muncho más sele qu’ayeri col cielu poco nuboso o escampláu ya con unes temperatures másimes n’ascensu anque l’ambiente al mediudía va caltenese fríu, sicasí la llume del sol calecerá onde tenemos abellugaos del vientu nordés que tampoco va soplar molestu.

Mañana vienres alboreceremos de nuevu con xelaes nos valles del interior y cordelera, amás el cielu seguirá poco nuboso o escampláu sobre too en zones altes y fastera más surocidental, pudiendo surdir dalgún intervalu de nubes baxes nel restu. Les temperatures másimes subirán un puquiñín más, sobre too en zones de montaña y l’aire sedrá sele ya variable.

El sábadu seguiremos esfrutando del sol pero con fríu nes primeres hores por mor de les xelaes de l’alborada y el domingu tendremos un aumentu de la nubosidá y templará dalgo l’ambiente.

Que paséis un bon día collacies ya collacios.