La Confederación Hidrográfica del Cantábricu abri espediente sancionador contra’l Conceyu de Morcín por incumplimientu de l’autorización d’arramáu de les agües residuales del Polígonu Industrial de Argame, amás del arramáu d’aceites y grases ensin incluyir en dicha autorización, al río Caudal, cola correspondiente contaminación al calce
La sanción aporta trés de la denuncia interpuesta pola Coordinadora Ecoloxista de los continuos arramaos d’agües residuales. La mala calidá de les agües por mor d’estos arramaos afeuta non solo al paisaxe y al arruelu, sinón a la biodiversidá, la pesca y les actividaes esportives que se desendolquen na redolada.
Dende la Coordinadora Ecoloxista lleven reclamando, dende va años, les midíes para solucionar el problema de los arramaos de les industries que tán allugaes en polígonos con escasu control, como ye’l d’esti casu, pero en demasiaes ocasiones nun llega a interponese sanción o en casu de faelo la so cuantía ye inferior del costu de les depuradores o sistemes de tratamientu d’arramaos neses instalaciones, polo que les empreses siguen contaminando, col inevitable impautu que xeneren na redolada de la cuenca onde terminen.
Dende la CEA acusen a l’a neglixencia y la tolerancia de les autoridaes responsables de la degradación de la redolada natural “Una actitú ca vegá más indolente y suicida que paez optar por nun tomar les midíes afayaices pa desaniciar la contaminación tres años y más años d’alvertencies.”
Alberto Rodriguez
This work is licensed under a Creative Commons Attribution 4.0 International License.
