Seique falte muncho por conocer, ta nidio qu’Asturies Insumisa vien a dar un guelpe d’aire fresco y enerxía al panorama revindicativu asturianu, con un mensaxe de xunidá y aición pernecesariu n’Asturies d’anguañu
Recién saltó a redes l’anuncia del ñacimientu d’Asturies Insumisa, un movimientu que se define a si mesmu comu la reorganización de la xunidá de la disidencia n’Asturies y qu’aconceya baxo’l so paragües a coleutivos de trabayaores, centros sociales, conceyos populares y organizaciones d’esquierdes, seique entá nun ficieron público de qu’organizaciones en concreto se trata.
Quienes componen Asturies Insumisa y otros detalles sobre ella sabráse na presentación oficial que cellebrarán el 29 d’abril, previo al Primeru de Mayu y depués d’unes ambicioses xornaes que van espardese per tol mes d’abril y nes que se tocarán dellos temes revindicativos, sociales y d’actualidá, culminando con una xornada d’arruelu revindicativu na que se presentará oficialmente Asturies Insumisa y que presllará les actividaes con un conciertu.
This work is licensed under a Creative Commons Attribution 4.0 International License.
