onos díes, bona xente.

Alborecemos con nubosidá media-alta ya con unes temperatures que tan alrodiu de los 10ºC, rexistrándose nel puirtu Payares 6,8ºC.

Güei vamos tener el cielu con nubes medies y altes que nun mos van dexar precipitaciones, sicasí na fastera más surocidental d’Asturies podemos tener dalgún xarabatín febles ya dispersu. Les temperatures van camudar poco y l’aire sedrá sele ya variable que mos dexará un ambiente afayaizu.

Mañana xueves paez que les nubes durante la tarde puen tener ciertu desendolque y dexanos xarabatos de calter tormentosu na fastera ocidental, estendiendose al restu d’Asturies yá de nueche y sobre too de cara al riscar del vienres. Les temperatures van subir y l’aire entamará a soplar molestu en zones altes de montaña.

El vienres alboreceremos entovía con dalgún xarabatu tormentosu pero rápidamente va dir escamplando pa dexanos el cielu con nubes ya claros con unes temperatures en descensu y col aire gallegu que pue soplar molestu en puntos del llitoral y zones altes.

El sábadu aumentará la nubosidá pero les precipitaciones nun s’esperen hasta’l final del día, amas l’aire calmará dalgo pa coyer fuercia de nuevu a últimes hores con unes temperatures másimes en llixeru ascensu y durante’l riscar y mañana del domingu vamos tener un temporal de vientu que vendrá acompangau de precipitaciones intermitentes un descensu de les temperatures y dalgo de nieve pela cordelera pero esto yá lu diremos viendo.

Que paséis un bon miércoles collacies ya collacios.