Dos individuos agredieron na mañana del sábadu a los participantes nuna mesa informativa de la célula Higinio Canga, del P.C. sobre la so campaña “Col nuesu pan nun se xuega”
Los fechos desendolcáronse nel barriu’l Cerilleru. Los atacantes averáronse a la mesa con actitú agresiva, arrincando la bandera comunista y menaciando con una navaya a los que quisieron evitalo. Darréu dieron un puñetazu na cara a ún de los informantes que quisieron detenelos y escaparon corriendo. La reación de los vecinos foi perseguir a los agresores y cuando nun foron quien a prindalos, denunciar a la policía.
Dende’l PC declaren que nun piensen suspender la so campaña y que los ataques d’estos ellementos profacistes nun faen sinón reafirmalos na necesidá de plantar cara ante la presencia d’ideoloxies propies de la estrema drecha más españolista nes nueses ciudaes.
Redaición InfoAsturies
This work is licensed under a Creative Commons Attribution 4.0 International License.
