@eltiempunasturies

Bonos díes, bona xente.

Alborecemos con escasa nubosidá y delles nublines no fonderu los valles ya con unes temperatures que tan alrodiu de los 11ºC, rexistrándose nel puirtu Payares 9,4ºC.

Güei entovía van caltenese les temperatures suaves y l’ambiente sedrá seliquino con intervalos de nubosidá media-alta pero sin precipitaciones, amás l’aire sedrá sele ya variable.

Mañana martes la entrada de vientu de comoponente noroeste va apurrinos nubosidá abondosa que vendrá acompanganda de precipitaciones y un bultable descensu de les temperatures, sobre too en zones de montaña. Les precipitaciones puen tener calter moderáu y sedrán más probables pela mañana.

El miércoles vamos tener intervalos nubosos con dalgún xarabatu feble ya dispersu con unes temperatures que siguen baxando, sobre too les mínimes, faciendo que puea surdir la nieve de forma testimonial nes cumes de la cordelera.

El xueves seguiremos con dellos intervalos nubosos entemecios ente dellos claros ya con poques posibilidaes de que llueva con unes temperatures que camudarán poco, calteniéndose un ambiente fresco ya inclusu fríu nes zones altes.

El vienres paez que’l tiempu tiende a empeorar, cola entrada otra vegada de vientu de componente noroeste que mos apurrirá nubosidá abondosa, precipitaciones y un nuevu descensu nes temperatures.

El sábadu y domingu va seguir el tiempu inestables con precipitaciones, delles tronaes y fríu pa la época na que mos atopamos, pero esto yá lu diremoa viendo.

Que paséis un bon llunes collacies ya collacios