El conciertu, entamáu pola Asociación DeMúsica, va cellebrase nel marcu de los seminarios, que cumplen la so sétima edición y polos que pasaron más d’un centenar de flauteros profesionales y amateur.
La Orquesta de Flautes del Principáu d’Asturies va ufiertar esti sábadu 20 de mayu un conciertu de baldre nel marcu de los seminarios que vienen entamándose dende va 7 años. Va Ser a les 18:00 hores na Sala de Cámara – Auditoriu Príncipe Felipe (Uviéu) con entrada de baldre hasta completar l’aforu.
La Orquesta de Flautes d’Asturies, formada por flautes trevesera, flautín, flautes en Sol, flautes baxes, flauta, contrabaxu y chelo, foi creada n’Ochobre de 2013 pol profesor Rubén Martínez Bastián al traviés de l’Asociación Cultural Demúsica y en collaboración col Centru Profesional Musical “Ángel Muñiz Toca” d’Uviéu.
Estos Seminarios, que yá van pola so sétima edición, pretenden dar a los flauteros, profesionales y amateur, la posibilidá de formar parte d’una gran orquesta de flautes, disponer de tipos de preseos de la familia de flautes non avezaes y actuar comu solista d’esta formación, asina comu dar nueves víes de desenvolcu na formación de los escolinos y ampliar el trabayu grupal y escénicu.
Nesti conciertu Salvador Espasa va dirixir a la Orquesta de Flautes que va tener como solistes a Alba García Fernández , Madalena Fernández Sobrino y Aníbal Mortera Pariente y a Rubén Martínez Bastián como Director Artísticu. Van interpretase obres de: Haendel, Boccherini, Marcello, Massenet, Beethoven, Murssorgsky y Shostakovich.
Alberto Rodríguez
This work is licensed under a Creative Commons Attribution 4.0 International License.
