Susana Sela, escritora polifacética y creativa, tiense embarcáu nun apasionante viaxe como “freelance”, canalizando la so vitalidá nuna serie proyeutos. NenyuriLabs entamó con una llinia editorial pa espublizar los sos propios llibros y pasín a pasu, fue avanzando pente milenta actividaes aú la maxinación nun tien llendes.

Pa Susana, cuntar con un bon equipu ye perimportante, poro, alródiase de xente que siempres suma. Dende Miguel Ángel Díaz de la Campa, un motor de la empresa, fasta Luis Núñez, que texe con ella un tapiz de creatividá dientru d’un dinámicu proyeutu audiovisual, que mece poesía, música y microteatru. Esta collaboración única ufierta una experiencia artística que trespasa los llímites de la narración tradicional.

Más enlláde los sos proyeutos personales, NenyuriLabs ufierta servicios alministrativos, de torna, correición de testos, redacción d’artículos a otros veceros. Anguañu, collabora cola revista La Sidra y con Nordés Móvil. Nel so futuru hai nuevos horizontes, como cursos y talleres diversos.

Susana non solo cautiva les mentes más xovenes colos sos talleres pa la reciella, sinon que tamién alimenta’l so propiu espíritu artísticu, xestando nueves hestories y idegues innovadores. El so enfotu en medrar y la continua exploración caltienen a NenyuriLabs nun ambiente d’expresión creativa.

Pa NenyuriLabs l’asturianu ye una poderosa imaxe de marca, poro, incorpórala a toles sos comunicaciones corporatives. N’adoptando esti patrimoniu llingüísticu, Susana exerce tamién un llabor de promoción, ufiertando a la so vecería la oportunidá d’ampliar los sos horizontes incluyendo l’asturianu na so ufierta.

This work is licensed under a Creative Commons Attribution 4.0 International License.