La concentración de sofitu dirá precedía d’una charra que va desplicar la increyible sentencia firmá pol xuez Lino Rubio Mayo, perconocíu pola forma en que sentencia escontra sindicalistes, asina comu les escures rellaciones esistentes entre la drecha xixonesa, dalgún seutor empresarial y les redes d’información policial

Les 6 de La Suiza foron condergaes a tres años y mediu de prisión y al pagu d’una multa de 150.000 € por unos “delitos” que nun lo son: pidir una xunta entre una trabayaora víctima d’acosu y l’empresariu de La Suiza pa tratar un conflictu llaboral, participar nesa xunta y participar en concentraciones  pa denunciar públicamente’l casu. Estes aiciones, amparaes pola llexisllación vixente en materia de drechos sociales y sindicales, foron duramente reprimíes pol xuez Lino Rubio Mayo, anque la so sentencia ta agora recurría énte’l Tribunal Supremu español.

Col envís de revindicar la inocencia d’estes compañeres, condergaes a 21 años de cárcele por exercer el sindicalismu, esti xueves ocho de Xunu ta convocada una charra a les cincu y posterior pasucais a les siete la tardi, nel Atenéu La Calzada.

Toles actividaes de sofitu a estes represaliaes puen siguise na web https://6delasuiza.info/ y quien quiera contautar col Comité de Sofitu pue facelo escribiendo al corréu sofitu@delasuiza.info.