El rendimientu del Aston Martin y de Fernando foi el más deceicionante nos postreros grandes premios, xusto cuando más s’esperaba d’ellos
Dende la deceición de Mónaco los de Aston Martin llegaben coles esperances anovaes al gran premiu d’España, un de los favoritos del Nano a lo llargo la so carrera. Y ye que ye sobradamente conocio que Fernando apreta más cuando les graes sofíten-y y en Montmeló y Valencia dexónos munches de les sos grandes actuaciones; sicasí esta temporada, l’aldu de la carrera nun dexó al Asturianu sacar el máximu potencial del so AMR23.
El primer problema, la clasificación. Alonso atropó dos erros a lo llargo de la sesión, el primeru d’ellos estrozó por completu’l fondu planu del Aston Martin, que quedó estrozáu pa la vuelta final de la qualy, onde na so vuelta llanzada termino fallando saliendose de la pista. Sicasí les esperances siguíen nel corazón de los aficionaos para’l domingu, una y bones el circuitu de Montmeló favorez a les característiques de la monoplaza verde y Alonso ye un de los pilotos que meyor sal en paráo de tola parrilla.
El segundu erru, los blandios. Dende les primeres paraes quedó nidio ente los equipos del paddock que la degradación sería un gran problema col que cuntar, sicasí dende’l muriu d’Alonso optaron por empezar con dos sets de neumáticos blandos p’apertar a los de lantre, sicasí la estratexa non fructificó pa los de Silverstone, y el duru confirmóse como’l neumáticu de carrera.
La guinda’l pastel, el compañerismu. Nel so postreru stint, el cambéu de compuestu -y dió a Fernando’l ritmu p’avanzar un par de posiciones y asitiase detrás del so compañeru d’equipu, Llance Stroll, al que Fernando atrapó rápido, pero los haters d’Alonso quedáronse estelaos al ver como vencía a Llance la posición, demostrando’l maduror qu’alquirió nos sos más de venti años dende’l so debú na categoría.
Nun ye nengún secretu qu’el AMR23 entá nun desveló’l so máximu potencial, les grandes meyores de los próximos grandes premios, faen albidrar a los aficionaos que bien llueu vamos tener a Fernando, a lo menos, nel podiu.
Nel Dos Santos
This work is licensed under a Creative Commons Attribution 4.0 International License.
