Queisu d’Afuega’l Pitu Ca Sanchu ye otra de les empreses que pertenez a E.P.A, empreses y profesionales pol asturianu. Ya sabeis, #consumiasturiano #consuminasturianu
Marta cuéntamos queCa Sanchu ye’l nome la casa familiary llueu dio nome a la quesería. La so ma deprendiera a facer quesu en Cubia a los 16 años y en ñaciendo ella y el so hermanu, dedidió retomar l’actividá pa contribuyir a la economía familiar.
Entamó a preparar los quesos na so cocina, pero cuandu la demanda entamó a medrar, prepararon un cuartu pa dedicar a l’actividá.
Na década de 1980, la Conseyería intervien pa profesionalizar les producciones caseres y facer cumplir los estándares sanitarios. La so ma diose cuenta de que yera más rentable facer queisos que vender la lleche, polo que decidió rexistrar la marca col nome Ca Sanchu.
Al diseñar les etiquetes, el so hermanu rexistró la marca col nome “Queisos d’Afuega’l Pitu Ca Sanchu”, n’asturianu. “Nel 2003 entamaron les xuntes cola Conseyería pa facer el reglamentu y el mio hermanu peleó porque’l queisu nun perdiera’l nome y les variedaes tuvieren de ponese n’asturianu.”
Les variedaes que fabriquen son les tradicionales, atroncáu y de trapu, blancu y roxu. Anguañu tan sacando otres variedaes tradicionales que nun tan na DOP: el queisu l’horru y la Barreña, variedá fresca del afuega’l pitu.
Pa Marta, l’asturianu ye“un sellu de calidá que define los nuesos productos y los dixebra de los de otros llugares. La nuesa llingua reflexa’l territoriu, la cultura, la xente y una forma única de facer les coses.
Susana Sela
This work is licensed under a Creative Commons Attribution 4.0 International License.
