Willy Toledo, actor y activista, Edurne Goikoetxea, ma d’un afeutáu pol Casu Altsasu y Elena Ortega, ma Antifascista de Vallekas, acompangarán a les 6 de la Suiza cuntando los sos casos de represión por parte l’Estáu Español

Va dos años, ocho sindicalistes foron condergaes a tres años y mediu de cárcele ca una por facer sindicalismu, a díi de güei seyes d’elles siguen a la espera d’un recursu que, de ser denegáu, pue llevales preses, creando un peligrosísimu precedente nel que denunciar l’abusu llaboral y sesual o defender a quien lu carez ye considerao delitu grave.

El Comité de Sofitu a les 6 de la Suiza entama actuaciones de contino pa denunciar la so situación y llamar l’atención sobre la gravedá del casu, un más nos munchos en que se reprime con violencia l’exerciciu de drechos fundamentales. “L’Estáu y la Xusticia cébense con nosotres por nun  permanecer impasibles frente a les inxusticies, pero somos conscientes de qu’esto nun ye nuevo ni representamos una esceición, sinón que somos un grupu más dientro d’una llarga llista de represaliaes”.
Poro, nos díis 30 xunu y 1 de xunetu entamen unes xornaes sobre la cuestión represora de los movimientos sociales y sindicales nes que va cuntase colos testimonios de families y persones que viven más casos de represión, en primer persona o sobre los sos seres queríos.

Willy Toledo, actor y activista, Edurne Goikoetxea, ma d’un afeutáu pol Casu Altsasu y Elena Ortega, ma Antifascista de Vallekas, acompangarán a les 6 de la Suiza cuntando’l so casu na Casa’l Pueblu, en Xixón.